امریکی صدر جو بائیڈن نے اپنے ٹوئٹر کی بائیو تبدیل کر دی

امریکا کے نو منتخب صدر جوبائیڈن نے صدارتی انتخابات میں کامیابی کے بعد مائیکرو بلاگنگ سائٹ ٹوئٹر پر اپنے اکاؤنٹ کی بائیو تبدیل کر دی ہے۔ 74 سالہ ڈونلڈ ٹرمپ کو شکست دے کر امریکا کے 46ویں صدر منتخب ہونے والے 77 سالہ جوبائیڈن نے ایک بڑا اعزاز اپنے نام کرنے کے بعد اپنے ٹوئٹر اکاؤنٹ کی بائیو تبدیل کر دی ہے، جو بائیڈن نے اپنی نئی ٹوئٹر بائیو کچھ اس طرح لکھی : امریکا کا نو منتخب صدر، ڈاکٹر بائیڈن کا شوہر، ایک قابل فخر والد اور دادا، تمام امریکیوں کے لیے بہترین ملک اور ماحول تعمیر کرنے کے لیے تیار ہے۔ دوسری جانب جو بائیڈن نے ٹوئٹر پر ایک ویڈیو شیئر کی ہے جس میں دکھایا گیا ہے کہ امریکا میں مختلف نسلوں کے لوگ اکٹھے ہو رہے ہیں۔ امریکی نو منتخب صدر جوبائیڈن نے ٹوئٹر پر ویڈیو شیئر کرتے ہوئے تمام امریکیوں کا شکریہ ادا کیا اور کہا کہ ’امریکا، مجھے یہ اعزاز حاصل ہے کہ آپ نے مجھے اپنے عظیم ملک کی رہنمائی کے لیے منتخب کیا ہے۔‘ جو بائیڈن نے کہا کہ ’ہمارے سامنے کام سخت ہو گا لیکن میں آپ سے وعدہ کرتا ہوں کہ میں تمام امریکیوں کے لیے صدر بنوں گا، پھر چاہے آپ نے مجھے ووٹ دیا یا نہیں، میں ہمیشہ آپ کا مجھ پر اعتماد قائم رکھوں گا۔‘