موڈیز نے پاکستانی بینکوں کی درجہ بندی بہتر کر دی

عالمی مالیاتی کریڈٹ ریٹنگ ایجنسی موڈیز انویسٹرز سروس نے 5 پاکستانی بینکوں کی درجہ بندی میں بہتری کر دی ہے۔ ریٹنگ ایجنسی کے مطابق پاکستان کے 5 بینکوں کے آؤٹ لُک کو منفی سے مستحکم کر دیا ہے۔ یاد رہے کہ موڈیز نے گزشتہ روز ادائیگیوں کا توازن مزید بہتر ہونے پر پاکستان کا آؤٹ لُک بھی منفی سے مستحکم کیا تھا، ریٹنگ "بی تھری" برقرار رکھی تھی۔ دوسری طرف وزارت خزانہ کا کہنا تھا کہ معاشی آؤٹ لک کی منفی سے مستحکم درجے میں ترقی حکومتی کوششوں پر اعتماد کا اظہار ہے۔ وزیراعظم کے مشیر خزانہ حفیظ شیخ نے موڈیز کی جانب سے پاکستان کی درجہ بندی کو مثبت قرار دیتے ہوئے کہا تھا کہ یہ ملک کے معاشی استحکام میں حکومت کی کامیابی کی تائید ہے۔