آئی ایم ایف کے پاس نہ جاتے تو بہتر تھا

سابق وزیرِخزانہ اسد عمر کا کہنا ہے کہ آئی ایم ایف پروگرام میں چلے گئے نہ جاتے تو بہتر ہوتا۔ کراچی میں ایک تقریب سےخطاب کے دوران اسد عمرکا کہنا تھا کہ آئی ایم ایف کے بغیر معاملات بہتر ہو رہے تھے، آئی ایم ایف پروگرام میں جانے کے اعلان کے بعد خرابیاں پیدا ہونا شروع ہوئیں۔ پاکستان تحریکِ انصاف کے رکن قومی اسمبلی اسد عمر نے کہا کہ پانڈا بانڈ سکوک پر کام ہو رہا تھا لیکن آئی ایم ایف معاہدے کے بعد اسے مؤخر کرنا پڑا، پاکستانی معیشت کو مکمل طور پر بدلنے کا موقع سینسر کیا گیا۔ سابق وزیر خزانہ نے کہا کہ وزیراعظم عمران خان کو ساری صورتحال بتائی کیونکہ فیصلہ اُنہیں کرنا تھا، جس پر وزیراعظم نے کہا میں رسک لینے والا بندہ ہوں لیکن سب کہہ رہے ہیں کہ پروگرام لینا ہو گا۔