امریکی دھمکی مسترد، ترکی روس سے فضائی دفاعی نظام کی خریداری پر ڈٹ گیا

ترکی کے صدر رجب طیب ایردوآن نے امریکا کی طرف سے روسی فضائی دفاعی نظام 'ایس 400' کی خریداری کی کوششوں پر دھمکی اور دبائو مسترد کر دیا ہے۔ ان کا کہنا ہے کہ انقرہ روس سے فضائی دفاعی نظام 'ایس 400' کی خریداری کے فیصلے سے پیچھے نہیں ہٹے گا۔ اس کے بعد اگلے مرحلے میں‌ ترکی روس سے 'ایس 500' دفاعی نظام خریدنے پر بھی غور کرے گا۔ خیال رہے کہ امریکا نے ترکی کو خبردار کیا ہے کہ اگر اس نے روس سے اس کا تیار کردہ ایس 400 دفاعی نظام خرید کیا تو واشنگٹن انقرہ کے ساتھ ایف 35 طیاروں کی تیاری کا معاہدہ منسوخ کر دے گا۔