پائلٹ کی رہائی کا اعلان بھی مودی کو نہ سدھار سکا

وزیر اعظم عمران خان کی جانب سے جذبہ خیر سگالی کے تحت بھارتی پائلٹ کو رہا کرنے کے اعلان کا جہاں بھارت سمیت دنیا بھر میں خیر مقدم کیا گیا وہیں بھارتی وزیر اعظم امن کی طرف بڑھے ہوئے اس قدم سے گریز کرتے ہی نظر آئے۔ سائنسدانوں کے لیے منعقدہ ایک تقریب سے خطاب کرتے ہوئے نریندر مودی نے کہا کہ ’آپ تو لیبارٹریز میں زندگی گزارنے والے لوگ ہیں آپ میں پہلے پائلٹ پروجیکٹ کرنے کی روایت ہوتی ہے، پائلٹ پروجیکٹ کرنے کے بعد اسکیل ایبِلٹی ہوتی ہے، ابھی ابھی ایک پائلٹ پروجیکٹ پورا ہو گیا ابھی ریئل کرنا باقی ہے، پہلے تو پریکٹس تھی۔ بھارتی وزیر اعظم کی جانب سے یہ بیان وزیراعظم عمران خان کے اس اعلان کے فوراً بعد سامنے آیا کہ بھارتی پائلٹ کو رہا کردیا جائے گا۔