حضرت بایزید بسطامیؒ کے اقوال : عمل کے بغیر جنت کو طلب کرنا بھی گناہ ہے

حضرت بایزید بسطامیؒ صوفی بزرگ تھے۔ 

٭ انسان کو چار اشیا دوسروں سے بلند کرتی ہیں۔ حلم، علم، کرم اور خوش کلامی۔

 ٭ عمل کے بغیر جنت کو طلب کرنا بھی گناہ ہے۔ 

٭ اگر کوئی تم پر احسان کرے تو اللہ کا شکر ادا کرو، پھر اس شخص کا کیونکہ خدا نے اسے تجھ پر مہربان کیا ہے۔ 

٭ کوئی گناہ تمہیں اتنا ضرر نہیں پہنچاتا جتنا دوسرے مسلمان کی بے عزتی کرنا اور اسے کمتر سمجھنا۔ 

٭ برے اعمال اللہ تعالیٰ سے صریح دشمنی کے برابر ہیں۔ 

٭ دوستی کی علامت تین اشیا ہیں۔ دریا کی مانند سخاوت، سورج کی طرح شفقت اور زمین کی سی تواضع۔ 

٭ جو گن کر نیکیاں کرتا ہے اسے جزا بھی گن کر ملے گی۔ 

٭ توکل یہ ہے کہ زندگی کو ایک دن کا سمجھے اور کل کی فکر نہ کرے۔ 

٭ جب انسان نیک ہو جاتا ہے تو اس کا ہر عمل بھی بذات خود ایک نیکی بن جاتا ہے۔ 

٭ عدل کے بغیر ملک ویران اور اجاڑ ہو جاتے ہیں۔ 

٭ نفس واحد وہ شے ہے جو ہمیشہ باطل کی طرف رخ کرتی ہے۔ 

٭ ہر بچے کی پیدائش اس بات کا اعلان ہے کہ خدا ابھی اپنے بندے سے مایوس نہیں ہوا۔ 

٭ نیک بخت وہ ہے جو نیکی کرے اور ڈرے، بدبخت وہ ہے جو گناہ کرے اور مقبولیت کی امید رکھے۔ 

٭ خوش خلقی ویسے تو معمولی چیز ہے لیکن اس کا اجر بہت بڑا ہے۔ 

٭ خود کو ایسا ہی ظاہر کرو جیسے تم ہو، یا ویسے بن جاؤ جیسا خود کو ظاہر کرتے ہو۔

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.